ХАЛЕЛ ҒАББАСҰЛЫНЫҢ ӘДЕБИ-КӨСЕМСӨЗДІК ЕҢБЕКТЕРІ
Кілт сөздер:
Алаш, ұлт-азаттық идея, көсемсөз шеберлері, басшы, саяси басылым, «Сарыарқа» газеті, автономия, рухани құндылық.Аңдатпа
Аңдатпа: ХХ ғасырдың басында азаттықты аңсаған, бостандықты армандаған халқымыздың тілегін орындаған Алаш арыстарының көрнекті қайраткері Халел Ғаббасұлының бүкіл саналы ғұмыры Алаш қозғалысы аясында, онымен тығыз байланыста өтті. Оның әдеби-көсемсөздік еңбектері «Сарыарқа» газетінде жарияланып отырды. Осы газет арқылы Халелдің тек саяси қызметпен ғана емес, сондай-ақ шығармашылықпен айналысқанын да көреміз.
«Сарыарқа» газеті Алашорда партиясының барлық құжаттарын жариялап, елдегі болып жатқан саяси өзгерістерді ел тарихында ұғындырған азат елдің үні болды.
Ол ұлттық және демократиялық басылым ғана болып қоймай, алашорданың ресми тілі болды десек қателеспейміз. Баспадан шығуына ықпал еткен Алаш қайраткерлері болатын.
Осы басылым бетінде Халел Ғаббасұлы газет жабылғанша редактор қызметін атқарып, талай әдеби шығармалар мен мақалаларды, хабарламаларды редакциялап, жарыққа шығарып отырды.
