СЕМЕЙЛІК ӘДЕБИ ОРТАДА ТУҒАН БАСПАСӨЗДЕГІ АЛАШ ИДЕЯСЫ
Кілт сөздер:
Ұлт баспасы, баспасөз, Алаш мұрасы, Алаш идеясы, Алаш қайраткері, зиялы қауым, ағартушылық жол.Аңдатпа
Мақалада ұлт баспасы, дәлірек айтқанда Семейлік әдеби ортада туған баспасөздегі Алаш идеясы туралы айтылады. Алаш идеясы - XIX ғасырдың аяғы мен ХХ ғасырдың басында Семей қаласының әдеби ортасында дамыған тұжырымдама. Алаш идеясын дамытуда қазақ ақын-жазушылары мен қоғам қайраткерлері маңызды рөл атқарды. Алаш идеясының негізгі қағидаттары қазақ халқын біріктіруге, ұлттық мәдениет пен тілді сақтауға, дамытуға, сондай-ақ әлеуметтік әділеттілік пен теңдік үшін күреске шақыруды қамтыды.
Ұлтымыздың көсемсөз жанры еліміздің қалың ұйқыдан оянуына, мәдени-әдеби көзқарасының қалыптасуы мен кеңеюіне маңызды ықпал еткен рухани құрал болды. Жалпы, үгіт-насихат қызметі аясында баспасөздің ерекшелігі үлкен маңызға ие. Сондықтан да, баспадан шыққан барлық еңбектер еліміздің тарихының әр күніне, әр айына, әр жылына жинақталған жинақ болып табылады.
